|
|
|
|
|
|
|
|
|
|
|
|
|
|
Þessa bæn eru félagsmenn Lífsverndar beðnir um að fara með á hverju degi. Sömuleiðis eru allir hvattir til að biðja þessarar bænar með okkur.
Fleiri bænir fyrir vernd ófæddra barna
Í þínum daglegu bænum getur þú tekið virkan þátt gegn því sem kalla má "Menning dauðans". Mjög einföld leið til þess að gera það er að ættleiða á "andlegan" hátt ófætt barn, sem á það á hættu að verða deytt með fóstureyðingu. Þú hjálpar þessu barni með bænum þínum. Þannig er hægt að hjálpa nýju barni á hverjum degi.Hvað er andleg ættleiðing? Hinn látni bandaríski Erkibiskup Fulton J. Sheen hvatti fólk til þess að iðka "andlega ættleiðingu" ófædds barns, með því að biðja fyrir því að barn, sem ógnað væri með fóstureyðingu, fengi að lifa.
Sá eða sú, sem biður, getur gefið barninu nafn. Það má til að mynda gera á þann fallega hátt að byrja með bókstafnum "A" og velja nafn sem byrjar á A. Dæmi um það getur verið Adam eða Alda. Næsta dag er valið nafn sem hefst á B - Baldur eða Björg. Þannig má halda áfram. Veljið ófætt barn á hverjum degi, gefið því nafn og biðjið til Jesú, Maríu og Jósefs svo að lífi þess verði ekki eytt með fóstureyðingu.
Bæn um andlega ættleiðingu
Hér er bænin fyrir andlega ættleiðingu. Hvern dag má nota hana til þess að biðja fyrir nýju barni. Einnig er hægt að bæta öðrum bænum við.
Jesús, María og Jósef,
ég elska ykkur svo heitt.
Ég bið ykkur að þyrma lífi
þess ófædda barns,
sem ég hef ættleitt
andlega í dag,
barni sem ógn fóstureyðingarinnar vofir yfir.
María, móðir hins ófædda,
bið þú fyrir oss.
Amen.
Bæn fyrir öllum ófæddum börnum:
Himneski Faðir,
send okkur þinn
Heilaga Anda,
svo hann megi endurnýja
kærleika okkar.
Vak yfir öllum
saklausu börnunum,
sem í kviði móður sinnar eru,
að þau megi bera ávöxt.
Gef að þau fæðist
ekki fyrir tímann
eftir duttlungum náttúrunnar,
né megi þola harðneskju
og ofbeldi af manna völdum.
Megi sérhvert mannlegt líf bera kærleika þínum vitni,
og styrkja hina mannlegu fjölskyldu.
Faðir,
lát
sérhverja manneskju,
sem sköpuð er í þinni mynd,
þrífast og dafna
og komast til þroska
þegar fram líða stundir.
Þess biðjum við fyrir Krist, Drottin okkar.
Amen.
Níu daga bæn til Vorrar Frúar af Fatíma
Hér er önnur einföld, en mjög falleg bæn. Til þess að biðja hana, ferðu með bænina hvern dag, níu daga í röð.
Helgust María,
þér sem þótti við hæfi
að koma til Fatíma,
og sýna litlu
fjárhirðunum þremur
hversu mikil verðmæti felast í því að biðja Rósakransinn,
blás mér í brjóst einlæga elsku til þessarar bænagjörðar,
svo að með hugleiðingu
á leyndardómum
frelsunar minnar,
sem þar er minnst,
takist mér að öðlast
ávextina og stuðla
að afturhvarfi syndara,
og afturhvarfi Rússlands,
svo og það sem ég
af einlægni þrái, vernd hins ófædda,
sem ég bið þig um
í þessari bæn,
Guði til aukinnar dýrðar,
þér til heiðurs,
og öllu fólki til góðs.
Amen.
Síðan skaltu biðja "Faðir Vorið", "Heil sért þú, María" og "Dýrð sé Föðurnum", þrisvar sinnum hverja bæn.
Verndun alls lífs
Miskunnsami Guð,ég bið þess að með hjálp náðar þinnar, muni ég og allir menn
virða, vernda og hlúa að öllu lífi,
og að við tökum sérstaklega til okkar,
líf hins ófædda, vanrækta, fatlaða og eldra fólks.
Ég bið þess einnig að allir þeir sem ákvörðun þurfa að taka
varðandi líf í hvaða mynd sem er,
geri það af þekkingu, kærleika og djörfung.
Lifandi Guð, ég lofa þig og vegsama sem Föður, uppsprettu alls lífs,
sem Sonar, frelsara lífs okkar,
og sem Anda, sem helgar og blessar líf okkar.
Amen.
Leyf mér að lifa.
Leyf mér að ganga inn í sólskinið.Leyf mér að lifa.
Leyf mér að finna arma móður minnar umlykja mig.
Leyf mér að finna kærleika föður míns allt í kringum mig.
Leyf mér að vera hluti af sköpunarverki Guðs.