Lífsvernd - Fyrirsögn hér

Að gefa barn til ættleiðingar: Leiðbeiningar

Það fyrsta sem kona sem vill láta ættleiða barnið sitt ætti að gera er að hringja í Barnavernd í sínu umdæmi. Síminn hjá Barnavernd Reykjavíkur er t.d. 411 92 00. Þar svarar fólk sem leiðbeinir viðkomandi áfram, skref fyrir skref.

Konan getur hvort sem er haft samband áður en barnið fæðist eða eftir fæðinguna. En best er að hafa samband sem fyrst. -Í samstarfi við konuna er ákveðið hvort barnið er sótt á fæðingardeildina af t.d. þeim sem ætla að ættleiða barnið eða hvort konan fari sjálf með barnið til barnaverndar yfirvalda eða hvernig fyrirkomulagið verður.

Það er best fyrir barnið ef því fylgja einhverjar upplýsingar s.s. um hver er faðirin en ef konan vill alls ekki gefa það upp af einhverjum ástæðum þá skilst mér að það verði látið kyrrt liggja. Stundum er heldur ekki hægt að hafa samband við föðurinn t.d. ef konan verður ófrísk eftir mann sem hún hittir í fríi erlendis. En yfirleitt er reynt að leita eftir samþykki föðurins fyrir ættleiðingu.

Ef konan vill ekki að barnið geti fundið hana síðar á lífsleiðinni þá þarf að hafa samráð um það við ættleiðingarforeldrana.

Konan getur treyst því að verðandi foreldrar barnsins hafa verið rannsökuð af barnaverndarnefnd. Þannig er tryggt eins og kostur er að barnið fer til hæfra og góðra foreldra.

Eftir að kona hefur látið ættleiða barnið sitt þá á hún engan rétt á að fá sendar myndir eða slíkt en ef hún óskar þess þá er unnið að því að finna foreldra sem eru jákvæðir fyrir því. Oftast eru ættleiðingarforeldrar jákvæðir fyrir slíku.

Á síðustu 3 árum hafa komið upp 2 tilfelli þar sem íslenskar konur hafa beðið um að barnið þeirra verði ættleitt. Annað þessara barna var sótt á fæðingardeildina. Almennt gengur þetta vel fyrir sig og konan er viss um vilja sinn.

Ef kona ákveður að hún vilji láta ættleiða, á meðan hún er enn ófrísk, getur Barnavernd lóðsað henni á félagsráðgjafa ef hún vill fá stuðning í þessu ferli.

Það er fullt af foreldrum á Íslandi sem vilja ættleiða, það er ekkert mál að finna góða foreldra fyrir börn á Íslandi. Því geta konur treyst.